Trourist: benetako bidaiariak
Trourist sare sozial bat da lekuak bisitatzeaz gain, esperientzien bidez lekuak bizi nahi dituenentzat.
Interneterako komunikazio estrategiak eta proiektuak diseinatzen dituen estudio bat gara. Jatorrak, dotoreak eta medio honetan zer ez egin jakiteko moduko eskarmentuarekin.
Hausnarketak
Marka zaintzearen beharraz
Ana, 2009/10/12
Askotan sentsazio berarekin gelditzen gara. Zenbait garatzaileek hemen “pixelak margotzeko” edo “gauzak dotore jartzeko” gaudela pentsatzen dutela. Ez da oso bidezkoa, egia esan. Pixelak margotze hau estrategia oso baten zati da eta estrategia horrek edozein web aplikazioak duen marka indartsu, ezagungarri eta positiboaren beharrean du oinarri.
Gero eta lehiakortasuna handiagoa duen merkatu batean (eta hala ez balitz, berdin), ideia on batekin ez da nahikoa. Modu borobil batean burutu behar da. Eta markaren eraikuntza sendoa eta garapen egokia burutze borobil horren parte da ERE. Erabiltzaileak aplikazioaren inguruan denari, pentsatzen duenari eta sentitzen duenari egiten dio deia. “Funtzionatzen du” soiletik urrutiago doa. Benetan diotsuet, zerbaitekin gelditzeko irizpide esanguratsuenetakoa da hori. Pisukidea aukeratzean bezala, ez da nahikoa “oh, bizirik dago” edo “oh, arnasa hartzen du” batekin.
Think Vitamin web gunean topatu dudan bideo honetan (FOWA London-etik hartua), Virgin-eko (ex-Virgin?) Alex Hunter-ek luze hitz egiten du gaiaren inguruan. Ea honela ez diguten hain mesfidati begiratzen… 
Branding and Marketing Essentials for Your Web App by Alex Hunter from Carsonified on Vimeo.
Prototipoak sortzen, bideo bat.
Ana, 2009/08/27
Jendeak zer egiten dudan galdetzen didanean, bideo hau erakutsiko diodala uste dut.
(Nondik: Nick Finck)
Sareko tipografien hurrengo hurratsak
Goio, 2009/07/22
La Personnalité-ren webgune honekin abaitzen garen honetan webguneetan ikusten ditugun tipografiei buruz hitzen bat utzi nahi nuke une hau horrekin gogoratzeko.
@font-face dagoeneko abian
Orain artean, sIFR, Cufón (azkenaldian) eta antzeko hainbat sistema erabili izan ditugu sistema eragilean ez genituen tipografiak erabiltzeko. Denak era bere konplexutasun puntutxoa izan ohi dute eta bug ugari aurki genitzake zenbait kasutan.
Baina orain CSS3-ko @font-face propietatea erabiltzen hasi dira zenbait diseinatzaile eta aukera berriak ireki zaizkigu. Craig Mood eta Nice Web Type-ko jendea adibide on bat dira gai honetan. Firefox 3.5-ek bederen hau ahalbidetzen du. Ate interesgarria ireki da berriz, izan ere aurrez saiakera asko egin izan bait dira.
Eta adibide gisa, Nice Web Type-koek Museo eta Graublau tipografiekin eginiko frogak interesgarri iruditzen zaizkit. Ikus itzazue, merezi du eta.
