orain: teaser from debolex films on Vimeo.

Bai, dagoeneko esan dute LoveOf74-k ta baita Miguel García berak ere beraien blogetan. Ta guk ere argi eta ozen esango dugu Orain bezalako lan eder eta mardulak nahi ditugula geure telebistan. Arrazoi asko daude tarteko. Horien arten bat edo beste eman genitzake:

• Bide horretatik joateak gure bertako eskena aberats eta anitza azaleratzen laguntzen duelako.
• Artea, musika, diseinua, sormena eta orokorrean herri txiki honetan zerbait egiten duen orori tartea ematen diolako bere ikuspegi eta ihardueraren berri emateko.
• Esfortzu pixka batekin ingelesa bezalako hizkuntza batetara itzuli ezkero azpititulu bidez kanpoan hemengo berri jakiteko formatu egokia bilakatu litekeelako.
• Aurrekontu izugarriren beharrik ez dela behar erakusten duelako edukin duin eta gertukoa egiteko.
• Dagoeneko denbora oso urrian bideo sorta galanta prestatu dutelako. Formatu arina eta atsegina suertatzen da.
• Online ere txukun mugitzen den formatua delako. Badugu beste antzeko adibide garbi bat: Nickdutnik. Factoría Crossmedia-ko lagunak ere bikain ari dira, Orain-ekin Debolex ari den bezala.

Beste behin Debolex egiten ari den lan polit hau eskertzeko aprobetxatuko dugu. Bejondeizuela eta segi ezazue horrela.

Era berean eskaera argia egiten diogu ETB-ri: segi aurrera Orain proiektuarekin. Gaur, hemen eta Orain.

Zelan orain arte gure markagailuetan jasotako loturak jaso, konpartitu eta ez bakarrik CSS3a, HTML5a ere probatzera behartzen badiogu geure buruari…

Ziurrenik zuetako askok lotura hauek jasoak izango dituzue nonbait. Eguneroko kontsultarako direnak aukeratu eta horiek gordetzeko balio dit niri. Zuentzat ere baliogarria izatea espero dut.

Tutorialak:

• Coding A HTML(link) 5 Layout From Scratch
• Yes, You Can Use HTML(link) 5 Today! Sitepoint-ena
• Dive into HTML5
• HTML5 Tutorial
• HTML5 Doctor

Cheatsheet-ak:

• Woork-ek Antonio Lupetti-ren cheatsheeta (eta beste bat berarena)
• HTML5 Canvas Cheatsheet
• HTML5 Pocket Book
• Smashing Magazine (PDF, 76 kbytes.)

Glosarioak:

• HTML5 Glossary

Demoak:

• HTML5 Demos
• HTML5* Web Development to the next level

Balioztatzaileak:

• W3C Markup Validation Service (betikoa)
• HTML5 Validator
• HTML5 & CSS3 browser support

Nabigatzaileen soportea:

• Modernizr
• iks-html5: Fixes the display and behavior of browsers when served HTML(link) 5
• HTML5 enabling script

ID eta klaseen nomenklatura CSSan:

• HTML5 id/class names
• HTML5erako prestatzen Jon Tan-en klase semantikoei esker

Denetarik:

• HTML5 Reset Stylesheet
• 52Framework, HTML5 eta CSS3 erabiltzen duen framework bat

HTML5ekin egindako webguneen galeriak:

• HTML5 Gallery | A showcase of sites using HTML5 markup
• HTML5 Sites
• 101 Best HTML5 Sites

OHARRA: Post hau aldatzen joango da bestelako baliabide interesgarriak topatzen noan arabera.

Gero eta lehiakortasuna handiagoa duen merkatu batean (eta hala ez balitz, berdin), ideia on batekin ez da nahikoa. Modu borobil batean burutu behar da. Eta markaren eraikuntza sendoa eta garapen egokia burutze borobil horren parte da ERE. Erabiltzaileak aplikazioaren inguruan denari, pentsatzen duenari eta sentitzen duenari egiten dio deia. “Funtzionatzen du” soiletik urrutiago doa. Benetan diotsuet, zerbaitekin gelditzeko irizpide esanguratsuenetakoa da hori. Pisukidea aukeratzean bezala, ez da nahikoa “oh, bizirik dago” edo “oh, arnasa hartzen du” batekin.

Think Vitamin web gunean topatu dudan bideo honetan (FOWA London-etik hartua), Virgin-eko (ex-Virgin?) Alex Hunter-ek luze hitz egiten du gaiaren inguruan. Ea honela ez diguten hain mesfidati begiratzen…

Branding and Marketing Essentials for Your Web App by Alex Hunter from Carsonified on Vimeo.

Jendeak zer egiten dudan galdetzen didanean, bideo hau erakutsiko diodala uste dut.
(Nondik: Nick Finck)

@font-face dagoeneko abian

Orain artean, sIFR, Cufón (azkenaldian) eta antzeko hainbat sistema erabili izan ditugu sistema eragilean ez genituen tipografiak erabiltzeko. Denak era bere konplexutasun puntutxoa izan ohi dute eta bug ugari aurki genitzake zenbait kasutan.

Baina orain CSS3-ko @font-face propietatea erabiltzen hasi dira zenbait diseinatzaile eta aukera berriak ireki zaizkigu. Craig Mood eta Nice Web Type-ko jendea adibide on bat dira gai honetan. Firefox 3.5-ek bederen hau ahalbidetzen du. Ate interesgarria ireki da berriz, izan ere aurrez saiakera asko egin izan bait dira.

Eta adibide gisa, Nice Web Type-koek Museo eta Graublau tipografiekin eginiko frogak interesgarri iruditzen zaizkit. Ikus itzazue, merezi du eta.

Zerbait gehiago une honetan @font-face-ren inguruan?

Ekimen hainbat sortu dira @font-face-k eskaintzen dituen aukerekin:

• Typekit: tipografiak zuzenean saretik erabiltzeko sistema.
  • @font-face jasan ez dezaketen nabigatzaileek (orain bitartekoek), ohizko diren sistemako tipografiak erakutsiko dituzte zure font stack-ean definitu duzun eran.
  • Sistema hau egin da ezagunena baina badira beste batzu garapenean daudenak: Typotheque, Fontdeck (Clearleft-ek sortua), Kernest, etab.
  • Beraiek ostatatuko dituzte tipografiak. Tipografia fundizio onenetarikoekin dabiltza elkarlanean dena legalki egin ahal izateko.
  • Sistema prestatzen ari dira oraingoz eta beraien blog edo Twitter kontuaren bidez jarraitu ditzakezue proeiktuaren nondik norakoak.
• Open Font Library: doakoak izan eta @font-face onartzen duten tipografien biltegi bat.
  • Saretik tipografia zuzenean erabili dezakezu @font-face erabiliaz edo .otf (Open Type) formatuan jaitsi. Aurrekoaren aldean, hemen dena doan.
  • Lizentzia Open Font License deiturikoa darabilte.
  • Tipografiak jeitsi, partekatu edota DJ Tipografiko baten antzera haien artean nahasi ditzakezu. Interesgarria ezta?
  • Tipografia gutxi daude oraingoz, baina sistema egokia dirudi.
• Webfonts: lizentziak, formatuak, historia, eta berriak web tipografien inguruan.
  • Gure zerbitzarian kokatu genitzake tipografia komertzialak? Edonorentzat eskuragarri? Zer diote tipografien egileek? Galdera asko panorama berri honetan. Erantzun egokiak bilatzeko gune hau oso egokia da.
  • @font-face arazo gabe erabiltzeko prest dauden tipografiak. (ikusi zenbat lizentzia mota ezberdin dauden)
  • Sistema hau erailtzea ahalbidetzen duten fundizio tipografikoak.
  • @font-face eta nabigatzaileek zein neurritan onartzen duten
  • Adibideak
  • etab.

Joango gara gai hauen inguruko elkarrizketan murgiltzen.

Ongi etorriak gure gunera. On egin!

Urtebete baino gehiago eman dugu web gune hau prestatzen. Baina egia esan, “azken ikutuak” ematen pasa ditugu azkenenko hilabeteak. Beti daukagu (bezeroentzat lan egiten dugunean ere, halakoxeko autokritikoak gara gu) nahikoa ez denaren susmoa, ez duela guztiz esan nahi duguna islatzen.

Baina “aski da!” esateko eguna heldu da. Espirala arriskutsua delako. Eta bazen garaia, Twitter, Facebook eta beste hainbat aplikazioez gain, etxetxo bat edukitzeko.

Uda den arren, fresko gaude hemen. Eta neguan, zin dagizuegu tximinia piztuko dugula.

Jar zaitezte eroso, piztu zuen pipak. La Personnalité-n zaudete.